ఏపీ స్కిల్ డెవలప్మెంట్ స్కామ్

ఉద్యోగాల పేరిట నిరుద్యోగ యువతను మోసం చేసిన చంద్రబాబు

నిరుద్యోగ యువతకు నైపుణ్యాలను అందించి ఉద్యోగవకాశాలు కల్పిస్తామని మాయ మాటలు చెప్పిన చంద్రబాబు, అదే యువత బంగారు భవిష్యత్తుకు తీరని ద్రోహం చేశారు. ఈ స్కిల్ డెవలెప్మెంట్ స్కాంతో చంద్రబాబు పోగేసిన అవినీతి సొమ్ము అక్షరాలా రూ. 371 కోట్లు. సీమెన్స్‌ నుంచి రావాల్సిన గ్రాంట్‌ ఇన్‌ ఎయిడ్‌గా ఒక్క పైసా కూడా రాకుండానే 5 దఫాలుగా ప్రభుత్వం రూ. 371 కోట్లు విడుదల చేసింది. ఈ స్కాంలో సొంతవారిని అందలం ఎక్కించడంతో పాటు భారీగా అధికార దుర్వినియోగానికి పాల్పడ్డారు.

ఈ స్కాంలో ప్రధాన పాత్ర పోషించింది పీవీఎస్‌పీ/స్కిల్లర్‌, డిజైన్‌టెక్‌ కంపెనీలు. ఈ రెండు కంపెనీలు సర్వీస్‌ ట్యాక్స్‌ కట్టకుండా సెన్‌వాట్‌కోసం క్లెయిమ్‌ చేశాయి. ఇన్ని కోట్ల రూపాయల మేర క్లెయిమ్ చేయడంతో జీఎస్టీ అధికారులకు అనుమానం వచ్చి... ఆ కంపెనీ లావాదేవీలపై పూర్తిస్థాయిలో దృష్టిపెట్టగా డబ్బులు హవాలా మార్గంలో తరలించినట్టు వెల్లడైంది. ఈ మొత్తం వ్యవహారం 2017లోనే బయటపడటం విశేషం.

ఆసలు కేబినెట్ తీసుకున్న నిర్ణయానికీ, ఇచ్చిన జీవోకి, చేసుకున్న ఒప్పందాలకి ఏ మాత్రం పొంతన లేకుండా చేసి, దేశ చరిత్రలోనే నిరుద్యోగులను దారుణంగా మోసం చేసే అతి పెద్ద స్కామ్‌కి పాల్పడిన అవినీతి చక్రవర్తి చంద్రబాబు.

ఏపీ ఫైబర్ నెట్ స్కామ్

అప్పనంగా బ్లాక్‌లిస్ట్‌లో ఉన్న టెరాసాఫ్ట్‌కు కాంట్రాక్టు అప్పగింత

ప్రజలను కనెక్ట్ చేసే బదులు ప్రజలకు, అభివృద్ధికి మధ్య ఉండాల్సిన కనెక్షన్‌ని కట్ చేసే విధంగా ఫైబర్ నెట్ నెట్‌వర్క్ ప్రాజెక్ట్ పేరు మీద ఒక పెద్ద అవినీతి దందానే నడిపింది అప్పటి టీడీపీ ప్రభుత్వం..

ఈ అవినీతిలో భాగంగా … పారదర్శకత, జవాబుదారీతనంలాంటివి ఏ మాత్రమూ లేని అప్పటి టీడీపీ ప్రభుత్వం ఫైబర్ నెట్‌వర్క్‌ను ఏర్పాటు చేయడానికిగానూ, అప్పటిదాకా బ్లాక్ లిస్ట్ లో ఉన్న టెరాసాఫ్ట్ అనే ఒక ప్రైవేటు కంపెనీకి కాంట్రాక్ట్‌ను అక్రమంగా కట్టబెట్టింది. ఈ కాంట్రాక్ట్‌కు సంబంధించి, టెరాసాఫ్ట్ కంపెనీకి చెందిన వ్యక్తులు మరియు తెలుగుదేశం పార్టీ నేతల మధ్య అక్రమ లావాదేవీలు జరిగాయి.

ఈ స్కాం వల్ల రాష్ట్రానికి రూ. 284 కోట్లు నష్టం జరగడమే కాకుండా రాష్ట్ర ప్రజలకు మంచి నాణ్యతగల ఫైబర్ నెట్ సేవలు అందకుండా పోయాయి.

ఈ స్కామ్ తో రాష్ట్ర పరువు ప్రతిష్టలు దెబ్బతినడంతో పాటు, ఏపీలో పెట్టుబడులు పెట్టడానికి కంపెనీలు జంకి వెనక్కి తగ్గాయి.

ఈ స్కాంపై విచారణ జరిపిన సీఐడీ అధికారులు, తెలుగుదేశం పార్టీ అధినేత చంద్రబాబు నాయుడితోపాటు మరికొందరు నేతలను నిందితులుగా చేర్చారు. ఈ కేసు ప్రస్తుతం కోర్టులో విచారణలో ఉంది.

ఇరిగేషన్ స్కామ్

రైతుల వెన్ను విరిచిన ఇరిగేషన్ స్కాం

రైతులకు వెన్నెముకలా నిలుస్తామని చెప్పిన చంద్రబాబు తన హయాంలో తెలుగు రాష్ట్రాల్లో నీటిపారుదల రంగాన్ని భారీగా అవినీతిపరం చేయడం ద్వారా ఆ రైతుల వెన్నులనే విరిచేసారు.

చంద్రబాబు పోలవరం, పట్టిసీమ లాంటి ప్రాజెక్టుల పేరుతో ఏకంగా 24 వేల కోట్ల రూపాయలను దోచేసారు..

పోలవరం ప్రాజెక్ట్‌, పట్టిసీమ ప్రాజెక్టులకు సంబంధించి జరిగిన అవినీతిపై సీబీఐ దర్యాప్తు చేస్తుంది. ఈ ప్రాజెక్టులలో వివిధ పనులను అధిక ధరలకు కేటాయించడం, బిల్లులు చెల్లించడంలో జాప్యం చేయడంలాంటి ఎన్నో అవకతవకలు జరిగాయి.

ఈ అవినీతి ఫలితంగా గోదావరి వరద ఉధృతికి ప్రధాన డ్యామ్‌ పునాది డయాఫ్రమ్‌ వాల్‌ కోతకు గురై దెబ్బతింది. ప్రధాన డ్యామ్‌ నిర్మాణ ప్రాంతంలో నాలుగు చోట్ల భారీ గోతులు ఏర్పడ్డాయి. దీంతో పోలవరం ప్రాజెక్ట్ గురించి రాష్ట్ర ప్రజలు కన్న కలలు నెరవేరలేదు.

పోలవరాన్ని కమీషన్ల కోసం చంద్రబాబు ఏటీఎంగా మార్చుకున్నారని సాక్షాత్తూ దేశ ప్రధాని నరేంద్రమోదీనే ఆరోపించారు.

టిడ్కో స్కామ్

పేదవాడి సొంతింటి కలను దూరం చేసిన చంద్రబాబు

పేదవాడికి ఎండ, వాన , చలి నుంచి రక్షణ కల్పించే ఇళ్ల పథకాలలోనూ చంద్రబాబు భారీగా అవినీతి చేసి పేదవాడికి నిలువ నీడ లేకుండా చేసాడు. అర్హులైన పేదలకు ఇళ్లు కట్టించాల్సిన టిడ్కోను, టిడిపి నేతలు క్యాష్‌మెషీన్‌గా మార్చారనే ఆరోపణలు ఉన్నాయి.

చంద్రబాబు పేదవాడి సొంతింటి కలను దూరం చేసి, వారి ఆశలను అడియాశలు చేశారు.

అర్హులైన పేదలకు ఇళ్లు ఇవ్వకుండా, టిడిపి నేతల అనుచరులు, బినామీలకు ఇళ్లు కేటాయించినట్లు ఆరోపణలు ఉన్నాయి. టిడ్కో ఇళ్ల పంపిణీలో దాదాపు 9000 కోట్ల రూపాయల అవినీతి జరిగింది. ఈ భారీ కుంభకోణంపై సీబీఐ కూడా దర్యాప్తు చేస్తుంది.

ఈ స్కామ్ వల్ల పేదలు ఇళ్లు లేకుండా అవస్థలు పడుతున్నారు. టిడ్కో ఇళ్ల నిర్మాణం, పంపిణీలో జరిగిన అవినీతిపై సీబీఐ దర్యాప్తును పూర్తి చేసి, అక్రమార్కులపై కఠిన చర్యలు తీసుకోవాలని ప్రజలు డిమాండ్ చేస్తున్నారు.

అమరావతి రాజధాని కుంభకోణం

రాజధాని పేరిట లక్షల కోట్లు దోచుకున్న చంద్రబాబు

అమరావతిని ప్రపంచ స్థాయి రాజధాని నగరంగా అభివృద్ధి చేస్తామని చెప్పి, చంద్రబాబు ఒకటి కాదు. రెండు కాదు. మూడు కాదు. ఏకంగా నాలుగు రకాలుగా అవినీతి చేసి కోట్ల రూపాయలను దోచుకున్నాడు.

అమరావతి ఇన్నర్ రింగ్ రోడ్డు స్కామ్ చేసి, టీడీపీ వర్గీయులు నారాయణ, లింగమనేని రమేష్‌, నారా లోకేష్‌ మొదలైన వారి భూముల విలువను పెంచేలా ఇన్నర్ రింగ్ రోడ్డు అలైన్మెంట్ నే మార్చేశారు చంద్రబాబు. ఈ స్కామ్ విలువ మొత్తం 2 వేల కోట్లు.

రాజధాని ప్రాంతంలో అసైన్డ్ భూములను లాక్కొని వాటిని తక్కువ ధరకు కొనుగోలు చేయాలనే ఉద్దేశ్యంతో నారాయణ వారి బినామీలు ఎస్సీ, ఎస్టీలను భయపెట్టి వారి భూములను ల్యాండ్ పూలింగ్ స్కీమ్ (LPS) కింద లాక్కున్నారు. ఈ అవినీతి మొత్తం 6 వేల కోట్లు…

అమరావతి భూమి స్వాధీనం చేసుకున్నప్పుడు జరిగిన లావాదేవీలు, భూముల బదిలీలు చట్టవిరుద్ధంగా నిబంధనలకు వ్యతిరేకంగా ఎన్నో అవకతవకలతో లక్ష కోట్ల భారీ స్కామ్ జరిగింది..

ఈ అన్నీ కుంభకోణాలకు కర్త, కర్మ, క్రియ అన్నీ చంద్రబాబే.. బాబు అవినీతి వల్ల అమరావతి రాజధాని నగర నిర్మాణం ముందుకు కదల్లేదు